職場

<p>做 freelancer 可以享受彈性工作時間，又唔洗成日困喺一個地方工作。今日在家工作、聽日喺咖啡室做嘢，又可以接觸到唔同類型嘅人，聽落真係幾吸引。但喺自由背後又有啲乜嘢要取捨？做 freelancer 又要具備邊幾樣條件？</p>

<p style="text-align: center; font-size: 20px;">你有問題想向 Moovup 發問？</p>

<h2 class="h2-widget">1. 受壓能力高</h2><p>身兼多職，好容易會撞 deadline。尤其是遇上工作堆積如山嘅高峰期，就算時間管理做得好好，都可能會有應付不暇嘅時侯。有時一次嘅失敗就會與永不錄用劃上等號，所以壓力大係理所當然。有時仲要早午晚去三個地方做三份工，一份接一份，成日要走黎走去，都會好容易令你身心疲累。喺啖季嘅時侯又可能要經歷長時間無收入，經濟及心理壓力都唔少。</p>

<h2 class="h2-widget">2. 理解能力及認變能力高</h2><p>一份朝 9 晚 5 嘅工作通常只需要向一個上司及老世報告。每日對住同一班同事共事，只要花少少時間建立默契，工作應該唔難應付。但係 freelancer 就好唔同喇，做 freelance 好多時都係一次性嘅工作，一次嘅失誤，好可能失去以後嘅合作機會。當你需要經常與不同工作風格嘅人合作，工作有時又會臨時取消或改期，的確需要好高嘅理解能力及經常保持靈活處事態度。</p>

<h2 class="h2-widget">3. 善於交際應酬</h2><p>做 freelancer 需要主動爭取工作機會。需要喺社交平台上不時撰文、發佈相片，從而建立自己嘅個人品牌。好多時要出席交際應酬，聯絡唔同嘅人不停搵工作機會。如果性格內向，就未必適合做 freelancer。</p>

<h2 class="h2-widget">4. 良好儲錢習慣</h2><p>做 freelancer 雖然好自由，但喺收入就非常唔隠定。市道唔好嘅時侯可能幾個月都無工作，有時完成左一份工作之後又要等幾個月甚至半年不等先收到報酬。如果唔好彩，仲可能會被僱主拖欠薪金甚至走數。所以有良好嘅儲錢習慣，長期存有幾個月至半年嘅儲備基金，對 freelancer 嚟講係非常重要。另外，要識得保護自己，簽定合約。絕大部分 freelancer 都會給予客人 invoice 及收據，甚至制定合約，保障雙方及避免爭拗。</p>

<h2 class="h2-widget">5. 良好時間管理及自律</h2><p>拖延症好多人都有，無老世監控底下工作就更加容易分心及懶散。如果唔可以如期交貨就好容易失去再次合作嘅機會。嚴重嘅會破壞口碑，可能會失去一連串工作機會。自由工作者好需要自律工作，做好時間管理。一定要搵到最合適自己及幫助自己可以專注嘅工作地點及方式，咁先可以長久維持 freelance 嘅工作模式。</p>

<p>本文章由 Moovup 提供</p><p>原文連結：<span style="color: #800080;"><a style="color: #800080;" title href="https://moovup.com/hk/blogs/freelancer%E9%9C%80%E8%A6%81%E5%85%B7%E5%82%99%E7%9A%84%E4%BA%94%E5%80%8B%E6%A2%9D%E4%BB%B6/" target="_blank" rel="noopener">Freelancer需要具備的五個條件</a></span></p><p> </p><p> </p><p><strong>關於 Moovup 好工速遞</strong></p><p> </p><p>Moovup 好工速遞是一個專為尋找前線空缺而設的求職平台，以僱用模式及工作偏好設定，為求職者及僱主提供有效的配對。</p><p> </p><p>網址：<span style="color: #800080;"><a style="color: #800080;" title href="https://moovup.com/hk/" target="_blank" rel="noopener">moovup.com</a></span></p>

<p><strong>你對這個題目有疑問？立即問問專家：</strong></p>

疫情影響，呢排大家都少咗出街，喺屋企隔離。既然多咗空餘時間，不妨檢視下自己嘅生活習慣，學下成功人仕嘅習慣，邁向成功人生。

想做自由工作者？Freelancer需要具備的5個條件

留言