見工畀人reference check,真係有見工黑名單?

讚好及分享:

小編問過好多個 HR 朋友,原來某啲公司真係有邪惡嘅黑名單咖!至於點用、幾時用就等小編講下你知啦!

黑名單嘅作用

顧名思義就係提醒下一個 HR 同事唔好請錯人啦。

係咪每收到一封求職信都會睇黑名單?

係嘅話HR同事應該好忙!其實好多時,喺 HR 想請你之前做 reference check 嘅時候,你之前嘅公司就會查閱呢份黑名單,睇吓呢位人兄係咪請得過。HR 多數會問一條好間接又到位嘅問題:「你會唔會 rehire (重新僱用) 佢?」呢個問題前公司 HR 點答,就好在乎你有無榜上有名喇!

你有問題想向 Moovup 發問?

黑名單內容係咩?

除咗同事嘅中英文姓名之外,黑名單內容每間公司都有啲唔同。有啲就簡單到淨係得名同聘請同離職日期,直接了當地代表你一上榜嘅話就永不錄用喇!有啲就會寫埋你衰咩、有無受過記錄處分、時間、日期、當時直屬上司係邊個等等。

令人上榜嘅罪行係啲乜?

集合咁多 HR 嘅意見,以下呢啲係最常見嘅:

  • 偷公司嘢
  • 無故唔返工
  • 用假病假紙
  • 滋擾同事、行為不檢
  • 工作態度極度惡劣
  • 做啲危害公司利益嘅事
  • 喺無申報之下,打兩份工

係咪一榜上有名就永不超生?

又唔一定,其實好睇你好唔好彩:成日聽朋友講而加請人好難。所以如果咁啱新公司真係好等人用,佢都會考慮比機會你,又比機會自己搏一搏。 如果請你嘅 HR 大量又有愛心,都會比一個重生嘅機會你。問世間誰無過錯呢?當然,榜上有名嘅話被錄取嘅機會一定細好多啦!如果唔係要條黑名單嚟裝飾咩?所以大家做好自己本份,準時返工 (同放工!) 咪唔駛怕囉!

本文章由 Moovup 提供

原文連結:【職場見工黑名單】見工畀人reference check?

 

 

關於 Moovup 好工速遞

 

Moovup 好工速遞是一個專為尋找前線空缺而設的求職平台,以僱用模式及工作偏好設定,為求職者及僱主提供有效的配對。

 

網址:moovup.com

你對這個題目有疑問?立即問問專家:

你可能感興趣的內容:

讚好及分享: