自我管理:5個成功人士的習慣2021

讚好及分享:

疫情影響,呢排大家都少咗出街,喺屋企隔離。既然多咗空餘時間,不妨檢視下自己嘅生活習慣,學下成功人仕嘅習慣,邁向成功人生。

你有問題想向 Moovup 發問?

1. 早起及鍛煉身體

早起及做運動其實除咗對身體好之外,另外一個好處就係意志力嘅鍛煉。人一生最大嘅敵人就係自己。我地可以有千萬個理由及藉口放棄實行自己定立嘅目標。但係當你嘅意志力強壯到可以戰性身體嘅懶惰,你做任何事情都會更加容易成功。

2. 設立明確目標

太過空乏嘅目標通常都無法達成。例如我想發達、我想做老世、我想提早退休。設立明確目標先至係成功嘅關鍵。設立明確目標有四大原則:

1. 明確具體、可量化

2. 面對現實、有可能達成

3. 有時效性

4. 有明確的執行計畫

 

我地可以將提早退休呢個目標變成五十歲前儲三百萬,然後再計算及列出清單每個月要蓄幾多錢,生活上要作出乜野改變及行動先可以完成呢個目標,咁樣你嘅目標就會更容易達成。

3. 每日進步 1%

例如坊間嘅 365 日儲錢法,只要每日儲多 1 元,一年就可以儲到超過 6 萬蚊。所有目標都係同一個道理,只要每日累積努力,比前一日我進步少少,好好利用複利效應,成功就不遠。

4. 投資時間在重要的事身上

我地每日起碼花三分二嘅時間工作及休息,其實每日只有幾個鐘空餘時間。世界每一日都喺度變,我地需要不斷學習,增強自己嘅市場價值。否則好容易會被其他人取代及淘汰。將時間投資喺閱讀、做運動、進修絕對係百利而無一害。

5. 建立口碑

喺職場上識人好過識字,建立人際關係非常重要。唔好睇少舊同事嘅威力,當你想轉工嘅時候,佢地可以為你帶嚟意想不到嘅驚喜或者災難。世界其實好細,喺同行遇到舊同事嘅機會都好大。佢地可以介紹筍工畀你,亦都可以因為佢對你嘅負評價,影響潛在僱主對你嘅印象,而失去轉工機會。所以除咗老細及上司,跟同事打好關係及建立良好口碑都非常重要。

本文章由 Moovup 提供

原文連結:【自我管理】5個成功人士的習慣2021

 

 

關於 Moovup 好工速遞

 

Moovup 好工速遞是一個專為尋找前線空缺而設的求職平台,以僱用模式及工作偏好設定,為求職者及僱主提供有效的配對。

 

網址:moovup.com

你對這個題目有疑問?立即問問專家:

你可能感興趣的內容:

讚好及分享: