寫CV的8個Don’t,大學生、打工仔必睇

讚好及分享:

唔想 CV 石沉大海?一個職位空缺都好有可能有到幾十到幾百人申請。而 HR 都未必會花三十秒去睇每份 CV,點樣先可以喺咁短時間同咁多份 CV 入面突圍而出?HR 未見人先見 CV,想增加面試嘅機會就唔好犯以下 8 個錯誤喇。

1. 太過詳細的職位經驗

履歷表 (CV) 必需包含求職者姓名、聯絡電郵、電話號碼及學歷資料。另外仲有工作經驗、優秀嘅工作表現及成就。內容最重要係精簡,佔滿 1 至 2 頁全頁就足夠。

 

求職者可以重點列明喺前公司嘅主要工作範圍、業績同成就。但係無需要詳細交代同現時申請工作無關嘅內容,僱主比較重視你有無相關經驗,同實際往績。呢一個部份係表現比潛在僱主知道自己可以帶為新公司嚟嘅價值。

你有問題想向 Moovup 發問?

2. 低於半年嘅工作經驗、與工作無關的個人資料

工作少於半年都唔建議寫入履歷表,因為會反映應徵者工作唔穩定。除此之外,照片、個人身高、體重等與工作無關嘅資料都唔需要加入 CV。

3. 格式錯亂

CV 要避免使用多於兩款字體,求職者可以適量運用粗體或斜體去標示出關鍵字眼。工作經驗千祈唔好亂排位,要將最近期嘅工作經驗放於最優先嘅的位置、如果工作經驗同申請嘅崗位無直接嘅關係、無參考價值就放於後方,或者唔寫。

4. 奇怪電郵地址

用一啲奇怪電郵地址會比人一種唔專業嘅感覺,例如 [email protected]。建議可以用自己嘅名同性組成嘅電郵寫上 CV。

5. 現時薪酬和期望薪酬

如果公司無特別要求,應徵者唔需要填寫現時或期望薪酬。新公司可能會估你薪酬背後嘅原因,可能會留有負面嘅印象而失去面試嘅機會。所以最好都係到面試嘅最後階段先去傾薪酬方面既事。

6. 個人愛好

如果興趣唔係同工作直接有關,都盡量避免寫入 CV。無關痛癢嘅內容會大扣印象分。

7. 不相關的臨時工或兼職

避免填寫同申請職位無關嘅工作經驗,例如申請美容師我職位,就唔需要填收銀員或待應等無關經驗。如果大學生唔係好多工作經驗,可以填見習生、課外活動經驗、義工或學校報告經驗。

8. 錯別字

遞交 CV 之前最緊要搵多幾個朋友幫你過目一下,睇下有無任何錯漏。錯別字係大忌,會令人覺得你做事粗心大意,更懷疑你嘅學歷水平。

本文章由 Moovup 提供

原文連結:【寫CV】 8個Don’t(大學生、打工仔必睇)

 

 

關於 Moovup 好工速遞

 

Moovup 好工速遞是一個專為尋找前線空缺而設的求職平台,以僱用模式及工作偏好設定,為求職者及僱主提供有效的配對。

 

網址:moovup.com

你對這個題目有疑問?立即問問專家:

你可能感興趣的內容:

讚好及分享: